Semeıde qoǵamdyq kólik jolaqysy qymbattady
ÓSKEMEN. QazAqparat - Semeı qalasynda qoǵamdyq kólikte jolaqy qymbattady, dep habarlaıdy «QazAqparat» HAA tilshisi Semeı qalasy ákimdigine silteme jasap.
Qaladaǵy jol júrý aqysy 60 teńgeden 80 teńgege kóterildi. 7 jastan 15 jasqa deıingi balalar jáne 70 jastan joǵary zeınetkerler budan bylaı burynǵy 30 teńgeniń ornyna 40 teńge tóleıdi. Jolaýshy tasymaldaýshylar sońǵy úsh jyl boıy talap etip kelgen tarıfti kóterýdiń qajet ekendigin dáleldedi. Sheshimniń sońǵy nusqasyn qalalyq máslıhattyń barlyq depýtattary qoldady.
Semeı qalasy tasymaldaýshylarynyń qoǵamdyq kólikterdegi tarıfti kóterý týraly usynysyna oraı óńirdiń atqarýshy bıligi qoǵamdyq kólikterdegi qyzmet sapasynyń jaqsartylýyn talap etti. Óıtkeni, taıaýda ǵana Semeı qalasynda tasymaldaýshylardyń birimen kelisimshart buzylǵan bolatyn.
