Semeıde qoǵamdyq kólikterde jolaqy óspeıdi – oblys ákimi

ASTANA. KAZINFORM – Semeıde qoǵamdyq kólikterde jolaqy óspeıdi. Bul týraly Abaı oblysynyń ákimi Nurlan Uranhaev málim etti.

Búgin Ortalyq kommýnıkatsııalar qyzmetindegi baspasóz qyzmetinde Semeıdegi qoǵamdyq kólik máselesi týraly suraq qoıyldy.

«Máseleni sheshý úshin jolaqy óse me?», - dep surady tilshiler.

«Semeıde jolaqy kóterilmeıdi. Sebebi, biz burynnan sýbsıdııa tólep jatyrmyz. Biraq basqa óńirlerge qaraǵanda, bul bizge aýyrlaý. Qazir avtobýstardyń 75-80 paıyzy marshrýtqa shyǵady. Eger marshrýtqa 100 paıyzy shyqsa, bıýdjetten olarǵa 9 mlrd teńge kóleminde sýbsıdııa tóleımiz. Árıne, bul bıýdjetimizge aýyr», - dedi Nurlan Uranhaev.

Onyń aıtýynsha, qazir sýbsıdııa tólep jatqan qarajatqa kompanııalar avtobýs satyp alyp jatyr. Byltyr 70-ke jýyq avtobýs, al bıyl 70 avtobýs satyp alyndy.

«Jańa avtobýstardy satyp alsaq, marshrýtqa shyǵýdy 100 paıyzǵa jetkizý arqyly máseleni sheshimiz», - dedi óńir ákimi.