Semeıde qyzǵa stalkıng jasaǵan er adamǵa qatysty qylmystyq is qozǵaldy

SEMEI. KAZINFORM — Semeı qalasynda jas qyzdy ańdyp, mazasyn qashyrǵan er adam jazaǵa tartyldy.

Semeıde alǵash ret Qylmystyq Kodekstiń stalkıngke qatysty jańadan engizilgen 115-1-baby boıynsha is qozǵaldy. Bul jalpy respýblıka kóleminde tirkelgen ekinshi qylmystyq is. 

— Sot barysynda anyqtalǵandaı, qala turǵyny uzaq ýaqyt boıy jábirlenýshiniń jeke ómirin baqylap, onyń jeke keńistigine zańsyz aralasqan jáne psıhologııalyq qysym kórsetken. Sot úkimimen azamat kináli dep tanylyp, 30 AEK mólsherinde aıyppul tóleýge mindetteldi. Sonymen qatar oǵan 10 aı merzimge arnaıy minez-qulyq talaptary belgilendi, — dep habarlady Abaı oblystyq Polıtsııa departamentinen.

Aıta keteıik, stalkıng — adamnyń jeke shekarasyn buzatyn, qaýipsizdigine qater tóndiretin jáne qoǵamǵa qaýipti qylmystyq áreket.

— Eger siz stalkıngtiń qurbany nemese kýágeri bolsańyz, dereý quqyq qorǵaý organdaryna habarlasyńyz, — dep eskertti tártip saqshylary.

Eske salsaq, osyǵan deıin Aqmola oblysynda stalkıng deregine qatysty alǵashqy qylmystyq is qozǵalǵany habarlanǵan.