Semeıde Qazaqstannyń kıeli jerleri týraly semınar ótti
Semınar «Rýhanı jańǵyrý» baǵdarlamasynyń «Qasıetti Qazaqstan» arnaıy jobasy aıasynda uıymdastyrylǵan. Mundaǵy maqsat – kitaphana qyzmetkerleriniń shyǵarmashylyq belsendiligin arttyrý, tarıhı-mádenı eskertkishterdi nasıhattaýdyń jańa ádis-tásilderin aıqyndaý.
«Shara barysynda elimizdiń mádenı jáne qasıetti jerlerin zertteýge baǵyttalǵan «Qazaqstannyń kıeli geografııasy» jobasy týraly sóz qozǵaldy. Osynyń arqasynda elimizdiń kıeli jerlerimen keńirek tanysýǵa múmkindik aldyq», - deıdi kitaphana ádiskeri Merýert Júkenova.
Qatysýshylar Ońtústik Qazaqstannyń 7 keremeti týraly bilip, kitaphanalyq kvılt jasaý ádisimen, sonymen birge mýltımedııalyq «Qyzǵaldaq týraly ańyzdar» atty beıne-sholýmen tanysyty. Sondaı-aq, «Kıeli jerlerge saıahat» atty tarıhı battl saıysynda baq synaýǵa múmkindik aldy. Budan bólek, ortalyq kitaphana mamandary arasynda «Úzdik bıblıogıd» saıysy ótti.
