Semeıde qazaqstandyq jáne reseılik aǵaıyndy sýretshilerdiń kórmesi ashyldy

«Eki túrli sýretshiler mektebiniń ókilderi óz týyndylaryn bir ekspozıtsııaǵa alǵash ret biriktirgen, - dep habarlady qala ákimdiginen. «Parallelder» atalatyn kórmede eki nemere aǵaıyndy - Barnaýyldan kelgen Sergeı Bojenko men qazaqstandyq skýlptor Aleksandr Osıpovtyń 60 kórkem jáne grafıkalyq týyndylary usynylǵan. Sergeı Bojenko - Barnaýyldyń bas sáýletshisi, jazýshy.

Aleksandr Osıpov - sýretshi, dızaıner, QR Sýretshiler akademııasynyń tilshi múshesi, bedeldi shetel kórmeleriniń qatysýshysy. «Bir ekspozıtsııalyq zalda bir-birine uqsamaıtyn sýretshilerdiń jumysyn buryn-sońdy kezdestirmeppin. Sergeı Bojenkonyń jumysy lırıkalyq, názik, tabıǵatqa degen súıispenshilikke toly. Al A.Osıpovtyń álemi basqa týyndylarynda tuspaldaý, astarlaý basym. Olardyń kartınalaryna qarasań álemniń nebir qupııa syrlarynyń kýási bolyp, astaryndaǵy syrshyl da qushtarlyqqa toly álemine úńile túsesiń», - dedi kórmeniń ashylýynda murajaı dırektory, QR óner qaıratkeri Tatıana Stromskaıa. «Paralellder» ekspozıtsııasy qalada bir aı ýaqyt jumys isteıdi.