Semeıde «qazaq kúresinen» QR Qarýly Kúshteriniń chempıonaty bastaldy
Jarys 54, 60, 66, 74 kelige deıingi jáne 90 keliden joǵary salmaq dárejelerindegi sportshylar arasynda ótkiziledi.
«Chempıonat áskerı qyzmetshiler arasynda salaýatty ómir saltyn qoldaý men nasıhattaýǵa baǵyttalǵan. Qazaqstan Respýblıkasy Prezıdenti N.Á.Nazarbaevtyń «Qazaqstan-2050» strategııasy: qalyptasqan memlekettiń jańa saıası baǵyty» atty Qazaqstan halqyna Joldaýynda dene shynyqtyrý men sport memlekettiń aıryqsha nazarynda bolýy tıis, salamatty ómir salty ult densaýlyǵynyń kilti bolyp sanalady degen bolatyn. Bul jarys Qazaqstan Respýblıkasy Qarýly Kúshteriniń 2014 jylǵa arnalǵan daıarlyq josparyna jáne Qazaqstan Respýblıkasy Qarýly Kúshteriniń áskerı-qoldanbaly, oıyn jáne ulttyq sport túrleri boıynsha HІІ Spartakıadasynyń reglamentine sáıkes uıymdastyrylǵan»,-delingen QR Qorǵanys mınıstrligi baspasóz qyzmetiniń málimetinde.
Birinshilik 2014 jylǵy 21-23 qańtar aralyǵynda Semeı qalasynyń dene shynyqtyrý-saýyqtyrý kesheninde ótýde.