Semeıde qaıta jańartylyp jatqan jylytý qazandyqtarynyń qýaty artady
SEMEI. QazAqparat – Semeı qalasynda qaıta jańartylyp jatqan jylytý qazandyqtarynyń qýaty artpaq, dep habarlaıdy QazAqparat tilshisi.
Shyǵys Qazaqstan oblysynyń ákimi Danıal Ahmetov Semeıge jasaǵan jumys saparynda qazandyqtardy jóndeý jáne qaıta jańartý jumystarynyń barysymen tanysty.
«Ótken qysta shahar turǵyndary sezingen jaısyzdyqty boldyrmaý úshin osy qazandyqtardyń qýatyn arttyrý baǵytynda jumys istep jatyrmyz. Aldymen 2020-2021 jylytý maýsymynyń barlyq qatelikterin eskerdik. Aqsha aldyn ala bólindi jáne 1 qyrkúıekke qaraı barlyq qazandyq jumysqa daıyn bolady», - dedi aımaq basshysy.
«Onyń aıtýynsha, ortalyq qazandyqtyń qýaty 200 gıgakalorııaǵa ulǵaıtylady. Ortalyq qazandyqtaǵy jabdyqty jóndeý 15 tamyzǵa qaraı aıaqtalady. Sondaı-aq «RK-3» qazandyǵyna erekshe nazar aýdarylady. Óıtkeni ol Qaraǵaıly jańa shaǵyn aýdanyn jylýmen qamtamasyz etedi. Jańadan salynyp jatqan obektilerge jetý úshin onyń qýatyn arttyrý qajet», - dedi Danıal Ahmetov.
Jalpy, qazandyqtardy aýqymdy qaıta jańartý nátıjesinde ótken jylǵy keleńsizdikter bolmaıdy dep kútilýde.
