Semeıde qatty jelden qulaǵan baǵana kólikti basyp qaldy
SEMEI. QazAqparat – Semeı qalasynda qatty jelden baǵana qulap, kólikti basyp qaldy, dep habarlaıdy QazAqparat tilshisi.
ShQO TJD baspasóz qyzmetiniń málimetinshe, 35-kvartal aýmaǵyndaǵy beton baǵana reseılik tirkeýdegi jeńil kólikke qulaǵan. Bul týraly «112» kanalyna ýchaskelik polıtseı habarlady. Oqıǵa ornyna birden qutqarýshylar attanǵan.
«Aýa raıynyń qolaısyzdyǵy men qatty jeldiń saldarynan kólikti elektr jelisi tartylmaǵan baǵan basyp qaldy. Saǵat 10:18-de sol jerge qutqarýshylar «OSA-20» avtokóligimen jetip, manıpýlıator kranymen baǵandy kóterdi. Osylaısha, 30 mınýt ishinde kólik ústine qulaǵan baǵan alyndy», - dep habarlady vedomstvo ókilderi.
Aıta keteıik, Tótenshe jaǵdaıdyń saldaryn joıýǵa bir tehnıka men 4 adam jumyldyryldy. Zardap shekken eshkim joq.
Esterińizge sala ketsek, keshe ShQO-da qatty jel birneshe ǵımarattyń shatyryn ushyryp áketken bolatyn.
