Semeıde qatty jel ekiqabatty ǵımarattyń shatyryn ushyryp áketti
SEMEI. QazAqparat – Semeı qalasynda qatty soqqan jel ekiqabatty ákimshilik ǵımarattyń shatyryn ushyryp áketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Semeıde 30 naýryz kúni kúni jyldamdyǵy sekýndyna 12 metrge jetetin jel soǵyp, Chekoman aýylyndaǵy 1986 jyly salynǵan ákimshilik ǵımarattyń shatyryn ushyryp áketken.
«Atalǵan ekiqabatty ǵımaratta Qazposhta, kitaphana men dárihana ornalasqan. Shatyrdyń jalpy aýmaǵy 195 sharshy metrdi quraıdy. Abyroı bolǵanda, zardap shekken eshkim joq», - dep habarlady vedomstvo ókilderi.
Qazirgi ýaqytta oqıǵa ornynda jergilikti atqarýshy organdardan qurylǵan komıssııa jumys istep jatyr.
