Semeıde qashyqtan oqytýǵa barlyq múmkindik jasalyp jatyr
SEMEI. QazAqparat – Semeı qalasynda qashyqtan oqytý úshin oqýshylarǵa roýter taratylýda, dep habarlaıdy QazAqparat tilshisi.
Semeı qalasynyń mektepteri qashyqtan oqytý quralymen tolyq qamtylǵan. Tehnıkalyq qurylǵysy joq otbasylar úshin bilim ordalarynyń rezervinen 350 kompıýter men noýtbýk berildi. Sondaı-aq bilim bólimi satyp alǵan roýter de taratylyp jatyr.
«Qashyqtan oqý balalardy tártipke úıretedi. Úı tapsyrmasyn oryndaǵan kezde ata-analarǵa balanyń qasynda otyrýdyń qajeti joq. Tek tapsyrmalardy portalǵa júkteýge ǵana kómektesken jón. Al úı tapsyrmasyn bala ózi jasaý kerek. Eger qandaı da bir suraq týyndasa, muǵalimderge habarlasýǵa bolady. Sabaq kestesi bekitilmegendikten ol tapsyrmany qashan oryndaıtynyn ózi sheshedi», - dep túsindirdi qalalyq bilim bóliminiń basshysy Natalııa Fesenko.
Sondaı-aq osy jyly oqýshylar tórtinshi toqsannan keıin kelesi synypqa ótý úshin emtıhan tapsyrmaıdy. Olardyń úlgerimi jyldyq baǵa boıynsha qorytyndylanbaq.
