Semeıde káriz qudyǵynan eki adamnyń denesi tabyldy

SEMEI. QazAqparat – Semeı qalasynda káriz qudyǵynan eki adamnyń denesi tabyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Semeıdegi káriz qudyqtarynyń birinen eki er adamnyń máıiti tabylǵan.

Aldyn ala derek boıynsha, olar qudyqtaǵy gazǵa ýlanyp kóz jumǵan.

«Polıtsııaǵa habarlasqan kýágerler máıitterdi «Roşa» aıaldamasyna jaqyn jerdegi káriz qudyǵynan tapqanyn aıtady. 21 shildede qalalyq PB Zaton polıtsııa bóliminiń qyzmetkerleri sotqa deıingi tergep-tekserýdi bastady. Sonyń aıasynda birqatar saraptama taǵaıyndaldy. Іstiń búkil mán-jaıyn zertteý úshin qajetti tergeý amaldary júrgizilip jatyr», - dep habarlady vedomstvo ókilderi.

Esterińizge sala ketsek, osyǵan deıin ShQO-da alaıaq arzanǵa qant satamyn dep 90 mln teńge paıda kórgenin habarlaǵan bolatynbyz.