Semeıde karantınniń saqtalýyn tekserý maqsatynda reıd júrip jatyr
Semeıde karantın rejıminiń saqtalýyn tekserý jalǵasýda. Kásipkerlik bólimi qyzmetkerlerinen jáne SES mamandarynan qurylǵan mobıldi top azyq-túliktik emes saýda oryndardyń sanıtarlyq normalarǵa sáıkestigin tekserdi. Karantın kezinde dúkenderde maskalyq rejım engizilip, ishinde mindetti túrde sanıtaızerler bolýy tıis. Sondaı-aq satýshylarǵa kún saıyn ózderiniń dene qyzýlaryn ólsheýge keńes beriledi.
«Búgin de kezekti reıd ótýde. Mobıldi toptar dúkenderge baryp, kásipkerlerdiń sanıtarlyq normalardy saqtaý-saqtamaýyn súzgiden ótkizýde. Biz jurttyń karantınnen sharshaǵanyn túsinemiz. Barlyǵy jańa kıim satyp alǵysy keledi, biraq shydamdylyq qajet. Dúkenderde kóp adam jınalmaýy tıis. Bul, eń aldymen, turǵyndardyń densaýlyǵy úshin mańyzdy. Sondyqtan da qala halqyn karantındik sharalardy qatań saqtaýǵa shaqyramyz», - deıdi qalalyq máslıhat depýtaty Darıǵa Daırova.
Onyń aıtýynsha, ázirge karantındik normalardy buzǵandarǵa aıyppul kesilmeı, tek eskertý jasalýda. Jalpy, reıd barysynda dúkenderdiń kópshiligi tıisti normalardy saqtaıtyny anyqtalǵan. Óreskel zańbuzýshylyqtar tirkelgen joq.
