Semeıde karantın rejımin buzǵan 80-ge jýyq adam jaýapqa tartyldy
SEMEI. QazAqparat – Semeı qalasynyń polıtseıleri karantın kezindegi shekteýdiń saqtalýyn qadaǵalaý úshin reıd júrgizdi, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, reıd barysynda karantın rejımin buzǵan 77 adamǵa qatysty hattama toltyryldy. Onyń ishinde 54 adam jaıaý júrginshi bolsa, 23-i júrgizýshi. Zańbuzýshylyqqa jol bergenderdiń kóbisi jup jáne taq kúnderi dalaǵa shyǵý erejesin saqtamaǵan.
«Tótenshe jaǵdaıdy qasaqana buzǵandarǵa zańǵa sáıkes shara qoldanylady. Osy rette turǵyndardy ózińizdiń jáne týǵan-týystaryńyzdyń densaýlyǵyn saqtaý úshin karantın kezindegi tártipti buzbaýǵa shaqyramyz. Qabyldanǵan sharalarǵa túsinistikpen qarap, polıtsııanyń talaptaryn oryndaýlaryn suraımyz. Bunyń barlyǵy juqpaly indettiń jaıylýyn báseńdetý maqsatynda júrgizilýde», - dep habarlady vedomstvo ókilderi.
