Semeıde karantın kezinde bes jazǵy lager jumys isteıdi
SEMEI. QazAqparat – Semeıde jazǵy lagerlerdiń balalardy qabyldaýǵa daıyndyǵy tekserilip jatyr, dep habarlaıdy QazAqparat tilshisi.
Qalalyq Aqparat ortalyǵynyń málimetinshe, qazirgi epıdemıologııalyq jaǵdaıǵa baılanysty qala syrtyndaǵy jazǵy lagerler 15 maýsymnan kelýshilerdi qabyldaı bastaıdy. Jalpy 5 lager jumys istemek: «Dostyq», «Orbıta», «Túrksıb», «Jas qanat» jáne «Radýga». Mindetti túrde medıtsınalyq tekseristen ótkiziletin balalar ózderimen birge qajetti gıgıenalyq quraldardy alyp júrýi kerek. Lagerler óz kezeginde barlyq dezınfektsııalyq quraldarmen qamtamasyz etilýi tıis.
Taıaýda Bilim bóliminiń qyzmetkerleri men qoǵamdyq uıymdardyń ókilderi lagerlerdegi sanıtarlyq normalardyń saqtalýyn tekserdi.
«Bizde lagerlerdiń balalardy qabyldaýǵa daıyndyǵyn tekseretin qalalyq komıssııa bar. Bıylǵy birinshi maýsymda lagerlerge jobalyq qýatynyń 50%-yn ǵana toltyrýǵa ruqsat berilgen. ıAǵnı ótken jylǵa qaraǵanda balalar sany azaıady. Tekserý qorytyndysyna sáıkes, 5 lager jetkinshekterdi qabyldaýǵa ázir bolyp shyqty», - deıdi qalalyq Bilim bóliminiń bas mamany Sáýle Kojebekova.
Aıta keteıik, bıyl mektep janyndaǵy lagerler jumys istemeıdi. Onyń ornyna qashyqtaǵy lagerler uıymdastyrylmaq. Onda muǵalimder onlaın rejımde balalar úshin ekskýrsııalar men basqa da is-sharalar ótkizedi.
