Semeıde qar shyǵarý jumystaryna tehnıka jetpeı jatyr
ÓSKEMEN. QazAqparat – Semeı qalasynda 315 myń tekshe metr qar shyǵarylǵan, dep habarlaıdy QazAqparat.
Qar shyǵarýǵa 92 arnaıy tehnıka tartylǵan. Jeke sektordaǵy 30 kósheden 60 myń tekshe metr qar shyǵarylypty.
«Osy baǵyttaǵy jumystarǵa qalalyq bıýdjettegi qarajat jetkiliksiz. Oblys ákimdigi bizge múmkindiginshe qoldaý kórsetýde. Bul oraıda depýtattardy ózderinde bar tehnıkalardy jumyldyryp, kóshelerdegi qardy shyǵarýǵa kómektesýge tartýdamyz. Budan bólek, kásip ıeleri de qalys qalmaıdy degen úmittemiz», - dedi qala ákimi Ermak Sálimov máslıhattyń kezekten tys sessııasynda.
