Semeıde qar basqan tasjolda qalǵan 6 adam qutqaryldy
SEMEI. QazAqparat – Semeıde qutqarýshylar qalyń qardyń saldarynan jolda qalǵan 6 adamdy evakýatsııalady, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 18 jeltoqsanda saǵat 18.40-ta qutqarýshylarǵa qaladan 15 shaqyrym jerdegi «Semeı-Qaraýyl» tasjolynda «Foltsvagen Passat» kóliginiń generatory buzylyp, egde jastaǵy eki áıel men 4 er adamnyń jolda qolǵany týraly habar túsken.
«Belgili bolǵandaı, tasjoldy qar basqandyqtan olarǵa kómekke umtylǵan basqa kólik jete almaǵan. Kóp uzamaı oqıǵa ornyna jetken qutqarýshylar jol talǵamaıtyn «Nıva-Marsh» tehnıkasymen azamattardy Semeı qalasyna jetkizdi» dep habarlady vedomstvo ókilderi.
Osy rette TJD oblys turǵyndaryna «Dármen» mobıldi qosymshasy arqyly joldardyń jaı-kúıi týraly bilip otyrýǵa bolatyndyǵyn eske saldy.
