Semeıde qan tamyrlary hırýrgııasynyń ózekti máseleleri talqylandy
SEMEI. QazAqparat - Semeıde qan tamyrlary hırýrgııasy salasyndaǵy jetekshi mamandar bas qosty. Qazaqstan qan tamyrlary hırýrgtary qoǵamdastyǵynyń III-shi sezine jınalǵan bilikti dárigerler tamyrly hırýrgııanyń ózekti máselelerin talqylady, dep habarlaıdy QazAqparat.
«Angıologııa jáne qan tamyrlary hırýrgııasyndaǵy zamanýı tásilder» taqyrybynda ótken respýblıkalyq ǵylymı-praktıkalyq konferentsııaǵa Qazaqstandaǵy tamyrly hırýrgııanyń negizin qalaýshylar, Reseıdiń professorlary men tájirıbeli dárigerleri qatysty.
Aıta ketý kerek, búginde júrek-qan tamyrlary aýrýlary, júrek ıshemııasy, mı qan tamyrlarynyń zaqymdanýy, qan aınalymy júıesi aýrýy ózekti. Saldarynan elimizde jyl saıyn 30 myńǵa jýyq adam kóz jumady. Sezd barysynda dárigerler qan tamyrly aýrýlary, mıdyń qan aınalymyndaǵy jáne perıferııalyq qan aınalymynyń buzylysy, arterıaldyq tamyrda uıyǵan qandy hırýrgııalyq jolmen emdeý máselelerin talqylady.
Qazaqstanda tamyr hırýrgııasy qarqyndy damyp keledi. Jyl saıyn elimizde tamyr aýrýlary boıynsha bes myńǵa jýyq ota jasalady. Degenmen mamandar áli de tamyr hırýrgııasyn jetildirý úshin zamanaýı qondyrǵylardyń jetkiliksiz ekenin de jasyrmady.
Mańyzdy basqosý barysynda Qazaqstannyń mamandar tájirıbe almasyp, tıimdi sheberlik ózara sheberlik saǵattaryn ótkizdi.
«Bul konferentsııa dárigerlermen tájirıbe almasýǵa múmkindik berip otyr. 2016-2019 jyldarǵa arnalǵan «Densaýlyq» baǵdarlamasyna sáıkes, qazirgi kúni turǵyndar densaýlyǵyn jaqsartý jolynda aýqymdy jumystar atqarylyp jatyr. Búginde qan tamyrlary aýrýlaryna shaldyǵatyndar sany artýda. Bilikti dárigerlermen bas qosý aýrýlardy aldyn alý, emdeý, boldyrmaý joldaryn birge qarastyrýǵa múmkindik beredi. Ár sezde ózekti taqyrypty talqylaımyz. Jáne birigip sheshýge tyrysamyz», - dedi «Qazaqstandyq qan tamyrly hırýrgtar qoǵamy» prezıdenti Toqan Sultanalıev.
