Semeıde kámeletke tolmaǵan eki bala joǵalyp ketti
ASTANA. KAZINFORM — Abaı oblysynyń polıtsııa qyzmetkerleri kámeletke tolmaǵan eki balanyń júrgen jerin anyqtaý boıynsha izdestirý jumystaryn júrgizip jatyr.
Abaı oblystyq PD baspasóz qyzmetiniń qolda bar málimetterine sáıkes, 17 maýsym kúni saǵat 20:00 shamasynda 14 jastaǵy Raqymjan Manatuly Ýkirtaev pen 8 jastaǵy Álıhan Darhanuly Qaıratov Semeı qalasyndaǵy Vostochnyı kenti aýdanynda bolǵan. Osydan keıin olardyń qaıda ketkeni belgisiz bolyp otyr.
Polıtsııa qyzmetkerleri dereý izdestirý sharalaryn uıymdastyrdy. Jeke quramǵa baǵdar berilip, balalar bolýy múmkin oryndar tekserilip, úı-úıdi aralaý jáne irgeles aýmaqtardy qaraý jumystary júrgizilip jatyr.
— Abaı oblysy Polıtsııa departamenti qala turǵyndarynan izdestirýge kómektesýdi suraıdy. Eger balalardyń júrgen jeri týraly qandaı da bir aqparat bilseńiz nemese olardy tabýǵa kómektesetin málimetterińiz bolsa, dereý **102** nómirine nemesekámeletke tolmaǵan batelefonyna habarlasýyńyzdy suraımyz, — deıdi tártip saqshylary.
Osyǵan deıin Qazaqstannyń Syrtqy ister mınıstrligi el azamatynyń AQSh-ta joǵalyp ketkeni týraly aqparatqa túsinikteme berdi.
