Semeıde qala kúnine oraı qandaı sharalar ótedi
Abaı oblysy ákimdigi baspasóz qyzmetiniń málimetine súıensek, merekelik sharalar 17 qyrkúıekten bastalady. Mektepterde ashyq sabaq, synyp saǵaty, shyǵarmashylyq jumystar baıqaýyn ótkizý josparlanyp otyr. Shákárim atyndaǵy ýnıversıtte jastar debaty bolady. «Severnyı» saýda úıinde saǵat 9.00-14.00 aralyǵynda aýylsharýashylyǵy ónimderiniń jármeńkesi ótip, kontsert qoıylady.
«18 qyrkúıek kúni qala kúni Abaı oblysyndaǵy tuńǵysh marafonmen bastalady. Nıet bildirýshiler 3,5 jáne 10 shaqyrymdyq qashyqtyqtarǵa júgiredi. Márege jetken ár sportshy estelik medal jáne fýtbolkamen marapattalady. Saǵat 9.00-den bastap túske deıin kórme, túrli baıqaý, shahmat týrnıri, fleshmobtar ótedi», - delingen aqparatta.
Bul kúni qaladaǵy barlyq murajaıda qala tarıhyna baılanysty ekspozıtsııa ashyq bolady. Saǵat 11-den keshke deıin ortalyq alańda merekelik kontsert ótedi. Sondaı-aq Ertis jaǵalaýynda, Arbatta jáne Abaı alańynda kontserttik baǵdarlamalar qoıý qarastyrylǵan.
Saǵat 11.00-den 15.00-ge deıin Arbatta tarıhı ólketaný murajaıy «Semeı – ótkenge saıahat» atty kóshpeli kórme ótkizýdi josparlap otyr. Kelýshilerge fotoǵa túsetin arnaıy aımaq qarastyrylǵan.
Saǵat 13.00-de Ertis jaǵalaýynda talantty jastardyń «Jastar fest» atty festıvali ótedi. Saǵat 18.00-de ortalyq alańda ár sala boıynsha «Úzdik» nomınatsııasynyń jeńimpazdary marapattalady.
19.00-de Á.Qashaýbaev, atyndaǵy fılarmonııa jáne qalalyq mádenıet úıi ujymdarynyń kontserti bastalady. Semeılikter úshin bul keshte Dastan Orazǵalıev jáne Kalifarniya toby án shyrqaıdy. 22.00-de qala kúni merekelik otshashýmen aıaqtalady.
