Semeıde qala kúnin toılaýǵa 10 mln teńgege jýyq qarjy jumsalmaq
SEMEI. QazAqparat - Bıyl semeılikter jyldaǵy dástúr boıynsha qala kúnin atap ótedi, dep habarlady QazAqparat.
Qyrkúıek aıynyń tórtinshi jeksenbisine túsetin mereke bıyl 23-shi qyrkúıekke kelip otyr. Merekeni semeılikter jyldaǵydaı qala kúni retinde toılaıdy. Eshqandaı mereıtoılyq data atalyp ótilmeıdi. Bul týraly jýrnalıstermen ótken kezdesýde qala ákiminiń orynbasary Nadejda Sharova málimdedi.
Aıta ketsek buǵan deıin 2018 jyly Semeıdiń 300 jyldyq mereıtoıy degen aqparattar taraǵan bolatyn. Alaıda, birqatar qoǵam zııalylary 300 jyl emes, 1100 nemese 1190 jyl degen sııaqty ártúrli pikirde boldy. Sondyqtan jergilikti bılik jyldaǵy dástúr boıynsha qala kúnin ǵana atap ótýdi jón sanapty.
Merekeni toılaýǵa bıyl qalalyq bıýdjetten 10 mln teńgege jýyq qarajat qarastyrylǵan. Merekelik sharalar 20-shy qyrkúıekten bastalady. Túrli mádenı-tanymdyq, sporttyq sharalar ótedi. Sonymen qatar 23-shi qyrkúıek kúni estrada juldyzdarynyń qatysyýmen ortalyq alańda merekelik kontsert bolady. Sońynan otshashý uıymdastyrylady.
«Qala kúnin toılaýǵa shamamen 8-10 mln teńge jumsalady. Qazirgi ýaqytta ótetin sharalardyń tizimi jasalǵan. Qalalyqtarǵa merekelik kóńil-kúı syılaý úshin jospar boıynsha barlyǵy uıymdastyrylady»,-dedi qalalyq Mádenıet jáne tilderdi damytý bóliminiń jetekshisi Nazerke Aqqojına.
