Semeıde izdeý jarııalanǵan toı kortejiniń júrgizýshileri anyqtaldy
SEMEI. QazAqparat - Semeıde toı kortejinde jol erejesin óreskel buzǵan kólik júrgizýshileri tabyldy, dep habarlaıdy QazAqparat.
Qazir kólik júrgizýshileriniń aty-jóni anyqtalyp, hattama toltyrylǵan. 3 azamat QR Ákimshilik quqyq buzýshylyq týraly kodekstiń 3 babyna sáıkes jaýapkershilikke tartyldy.
«Qazir ustalǵan júrgizýshilerdiń ústinen manevr jasaý erejesin buzǵany, kólik quraldary qozǵalysyna kedergi keltirgenderi jáne kólik quraldaryn paıdalaný erejelerin buzǵany úshin hattama toltyryp, is sotqa jiberildi. Júrgizýshilerge jazany ákimshilik sot belgileıdi», - dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov.
Aıta ketsek, buǵan deıin Semeıde jol erejesin óreskel buzǵan toı korteji júrgizýshilerine izdeý jarııalanǵan bolatyn.
