Semeıde iz-túzsiz joǵalǵan 18 jastaǵy qyz izdestirilip jatyr
SEMEI. QazAqparat – Semeı qalasynda iz-túzsiz joǵalǵan 18 jastaǵy qyz izdestirilýde, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Rýmııa Nysanbekova 10 naýryzda iz-tússiz joǵalyp ketken.
«18 jastaǵy qyz úıinen belgisiz baǵytta shyǵyp, sol kúıi habar-osharsyz ketti. Sol kúni ústine qara-jasyl tústi kúrteshe men sary qalpaq kıgen. Sondaı-aq qolynda qara sómkesi bolǵan», - dep habarlady vedomstvo ókilderi.
Qazirgi ýaqytta izdestirý sharalaryna polıtseıler men eriktiler tartylǵan. 13 naýryzda otyzǵa jýyq adam ony dron arqyly izdedi.
Osy rette, polıtsııa qyzmetkerleri boıjetkenniń qaıda ekendigi týraly qandaı da bir málimeti barlarǵa 8(747)349-57-17,8(771)349-57-17 nómirlerine nemese «102» jedel arnasyna habarlasýǵa shaqyrdy.
