Semeıde iz-tússiz joǵalǵan qarııanyń denesi tabyldy
SEMEI. QazAqparat – Semeı qalasynda iz-tússiz joǵalǵan 74 jastaǵy qarııanyń denesi tabyldy, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, 9 naýryzda «102» jedel arnasyna Ertis boıyndaǵy kópir mańynda er adamnyń denesi jatqandyǵy týraly habar túsken.
«Marqumnyń kim ekendigi anyqtaldy. Bul osyǵan deıin joǵalyp ketken Semeı qalasynyń turǵyny Oralbek Ómirǵalıev. Onyń neden kóz jumǵany áli belgisiz. Qazirgi ýaqytta atalǵan fakti boıynsha tıisti sharalar qolǵa alynýda», - dep habarlady vedomstvo ókilderi.
Aıta keteıik, 1946 jyly týǵan qarııa 7 naýryz kúni joǵalyp ketken bolatyn. Úıden belgisiz baǵytta shyǵyp ketken zeınetkerdi izdestirý jumystaryna volonterler de tartylǵan edi.
