Semeıde iri jol apatynda 5 adam qurban bolyp, eki adam zardap shekti

dep habarlady QR TJM-nyń baspasóz qyzmetinen.

Máselen, keshe, qańtardyń 29-y kúni saǵat 17.30-da «Semeı-Qaınar» avtojolynyń 35-shi shaqyrymynda «Aýdı» jáne «Toıota» avtokólikteri soqtyǵysyp, onyń saldarynan birinshi kóliktiń 20, 21 jáne 22 jastaǵy úsh jolaýshysy men tkim ekendigi anyqtalmaǵan taǵy bir er azamat oqıǵa ornynda kóz jumdy. Osy kóliktiń 26 jastaǵy júrgizýshisi men «Toıotanyń» 44-tegi bir jolaýshysy túrli jaraqattarmen aýrýhanaǵa jetkizildi.

Sondaı-aq osy kúni Jambyl oblysy Merki aýdanyndaǵy «Almaty-Tashkent» avtojolynyń 338-shi shaqyrymynda, túngi saǵat 02.00-de «Mersedes» jáne «MAN» avtokólikteriniń soqtyǵysýy oryn aldy. Jol-kólik oqıǵasynda birinshi kólik pen onyń bir jolaýshysy oqıǵa ornynda jan tásilim etti, taǵy bir adam aýrýhanaǵa jetkizildi.

Sonymen birge, osy aımaqtaǵy «Taraz-Myrzataı» avtojolyna shyǵa berisinde «Mersedes» jáne «Aýdı» kólikteriniń qatysýymen bolǵan apatta «Aýdı» mashınasynyń 25 jastaǵy jolaýshysy mert boldy.