Semeıde iri kólemde esirtki tasymaldaýshylar ustaldy
SEMEI. QazAqparat - Semeıde 37 jáne 51 jastaǵy qala turǵyndarynan iri kólemde marıhýana men gashısh tárkilendi, dep habarlaıdy QazAqparat.
Qalalyq polıtsııa basqarmasy Esirtkige qarsy kúres bóliminiń qyzmetkerleri arnaıy uıymdastyrylǵan reıd barysynda eki qala turǵynyn qolǵa túsirdi. Olardan jalpy salmaǵy 9, 325 gramm bolatyn esirtki tárkilendi. Onyń 7 kg. 910 gramy marıhýana, 1,415 gramy gashısh.
Qazir ustalǵandar qamalyp, olar tergelip jatyr. Zańsyz esirtki Ońtústik Qazaqstannan Semeıge ákelingen.
«Qazir atalǵan is boıynsha QR Qylmystyq Kodeksiniń 296-baby, 3, 4-tarmaǵy jáne 297-baptyń 3-tarmaǵy boıynsha is qozǵalyp, sotqa deıingi tergeý amaldary júrip jatyr. Qazir eki adam ýaqytsha qamaýǵa alyndy», delingen polıtsııa basqarmasynyń baspasóz qyzmeti taratqan habarlamada.
Aıta keteıik, 2018 jyly qalada polıtsııa 40 esirtki qylmysyn anyqtap, 72 keli esirtki tárkilengen.
