Semeıde halyqaralyq oramal kúnine oraı kórme ashyldy
SEMEI. QazAqparat - Semeı qalasynda 1 aqpan – halyqaralyq oramal kúnine arnalǵan «Men syıǵa tartqan oramal» kórmesi ashyldy, dep habarlaıdy QazAqparat.
F.Dostoevskıı atyndaǵy ádebı-memorıaldyq mýzeıinde ashylǵan kórme «Rýhanı qazyna» baǵdarlamasy aıasynda uıymdastyrylǵan. Kópshilik nazaryna taqııa, kımeshek, sáýkele syndy 30-ǵa jýyq qazaqtyń bas kıimderi qoıyldy. Sondaı-aq kórmede «Aısha bıbi» qazaq mádenı ortalyǵynyń tóraıymy Aıman Boqpasarovanyń jeke qoryndaǵy oramaldar da usynylǵan.
«Halyqaralyq oramal kúni merekesi qarsańynda jastardy qazaqtyń bas kıimderimen tanystyrǵymyz keldi. Kórmege túrli oramaldar qoıylǵan. Bul is-shara alǵash ret Nıý-Iorkte 2004 jyly ótkizilipti. Endi bıyl tuńǵysh ret Semeı qalasynda uıymdastyryldy. Oramal – tazalyq pen qarapaıymdylyqtyń sımvoly», - deıdi mýzeıdiń ekskýrsııa sektorynyń meńgerýshisi Saltanat Seksembaeva.
Kórmege jıylǵan jurt bas kıimderdi kıip kórýge de múmkindik aldy.
