Semeıde halyqaralyq dárejedegi áýejaı qoldanysqa berildi
ÓSKEMEN. QazAqparat - Búgin Semeıde kúrdeli jóndeýden ótken halyqaralyq dárejedegi áýejaı retinde esigin qaıta ashty, dep habarlaıdy QazAqparat tilshisi.
Oblys ákimi Danıal Ahmetov Semeı qalasynda kúrdeli jóndeýden ótken áýejaıdyń ashylý saltanatyna qatysty.
«Qalaı bastaǵanymyz esimde. Endi Elbasy tapsyrmasyn oryndadyq dep aıtýǵa bolady. Jaryqtyń kómegimen belgi beretin jańa qurylǵy ornatý arqyly áýejaıdy halyqaralyq dárejege laıyqtadyq. Jóndeýdiń arqasynda bul nysan 400 tonnaǵa deıingi júk ushaqtaryn da qabyldaıtyn boldy», - dedi Danıal Ahmetov.
Áýejaıdyń ushý-qoný jolaǵy jańartylyp qana qoımaı, jańa kútý aerobeketi boı kótergen. Bul keshen saǵatyna 200 jolaýshyny ótkize alady. Onyń 80 paıyzyn ishki reıs jolaýshylary qurasa, 20 paıyzy syrtqy reısterge tıesili.
Jyl basynda atalmysh áýejaı jeke menshiktiń qolyna ótip ketip, sot sheshimi arqyly memleket balansyna qaıtarylǵan bolatyn.
