Semeıde habar-osharsyz ketken 14 jasar bala tabyldy
SEMEI. QazAqparat - Shyǵys Qazaqstan oblysynda iz-túzsiz ketken oqýshy tabyldy, dep habarlaıdy QazAqparat.
12 sáýir kúni saǵat 23:54-te polıtsııaǵa 14 jasar Beısenǵalı Eskendir Aıqynulynyń anasy habarlasyp, balasynan kóz jazyp qalǵanyn jetkizgen.
Anasynyń aıtýynsha, bala sol kúni keshki 20:00 shamasynda úıden belgisiz baǵytta shyǵyp ketken.
Balany izdeý sharalaryna Semeı qalasy polıtsııa basqarmasynyń jeke quramy jumyldyryldy.
Sondaı-aq, izdeýge Ulttyq ulan qyzmetkerleri men eriktiler qatysty.
Іzdeýshilerdiń jumyla atqarǵan is-sharalarynyń nátıjesinde 13 sáýir kúni 13:15 kezinde ortalyq polıtsııa bóliminiń ýchaskelik ınspektory, polıtsııa kapıtany A.Maksýtkan men patrýldik polıtsııa batalonynyń komandıri, polıtsııa kapıtany E.Bakytbekov balany taýyp aldy.
Balanyń densaýlyǵyna eshqandaı zııan kelmegen kúıinde anasyna tapsyryldy.
