Semeıde gazgolderlerge qyzmet kórsetetin kásiporyn qurylady

SEMEI. QazAqparat - Semeıde gazgolderlerge qyzmet kórsetý boıynsha kommýnaldyq kásiporyn qurylady. Bul týraly Ermak Sálimov baspasóz máslıhatynda málimdedi, dep habarlaıdy QazAqparat Semeı aqparat ortalyǵyna silteme jasap.

Qazirgi ýaqytta MKK qurý boıynsha QR UEM Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń ShQO boıynsha departamentimen sońǵy kelissózder júrip jatyr.

«Bizdiń qalada gazgolder kóp. Olardyń bir bóligi jumys istese, ekinshi bóligi jumys istemeıdi. Gazgolderler turǵyn úı-kommýnaldyq sharýashylyq menshigi bolǵandyqtan, biz jabdyqtaýǵa aralaspaǵan bolatynbyz. Jańadan qurylatyn kásiporyn osy jumystarmen aınalysatyn bolady»,-dedi qala əkimi Ermak Səlimov.

Qalada 271 gazgolderdiń 88-i ǵana jumys isteıdi. Іsten shyqqan 183-tiń 55-in ǵana qalpyna keltirýge bolady.

Aıta keteıik, gazgolder - taratqysh gaz qubyrlaryna gazdy jınaqtaý, saqtaý nemese ony óndirý men óńdeý, tutyný qurylǵylaryna jetkizý úshin paıdalanylatyn, bolattan jasalǵan turaqty qoımalar.