Semeıde eski kópirdiń bir sheti opyrylyp ketti
SEMEI. QazAqparat - Semeı qalasynda eski kópirdiń bir sheti opyrylyp qaldy, dep habarlaıdy QazAqparat.
Bul jaıynda qalalyq ákimdiktiń baspasóz qyzmeti málimdedi.
«Qurmetti semeılikter, búgin shamamen keshki 20.00 kezinde avto-jegin kópiriniń jaıaý júrginshilerge arnalǵan bóliginde plıta ornynan qozǵalyp ketti. Oqıǵa ornyna qala ákiminiń orynbasary, kólik jáne avtomobıl joldary bólimi men jol-patrýl qyzmetiniń ókilderi bardy. Kópir konstrýktsııasynda aıtarlyqtaı qıraý, búliný belgileri baıqalmady. Degenmen qaýipsizdik maqsatynda kópirdegi qozǵalysty toqtatyp, kólik pen jaıaý adamdardyń júrýine tyıym salyndy» dep habarlady qalalyq ákimdik.
Erteń tıisti mamandardy tartyp, kópirdi tolyq tekserýden ótkizý kózdelip otyr. Sonyń qorytyndysy boıynsha sońǵy sheshim qabyldanady.
«Júrgizýshiler men jaıaý júrginshilerdiń qabyldanǵan sharalarǵa túsinistikpen qaraýyn ótinemiz» dep eskertedi ákimdik.
