Semeıde esirtki jarnamalaıtyn graffıtı-sýret salǵan eki jasóspirim ustaldy
ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan « Zarıa» kooperatıvinde ornalasqan kólikjaı ıesi belgisiz bireýlerdiń sıntetıkalyq esirtkini nasıhattaıtyn graffıtı-sýret salyp ketkenin aıtqan.
«Olardyń kim ekenin anyqtaý úshin Áýezov polıtsııa bóliminiń ýchaskelik polıtsııa ınspektory R.Kýrakov Bobrovka saıajaıyn túgel aralap shyqty. Sondaǵy mekemelerdiń qabyrǵalarynda da álgindeı graffıtı-sýretter kózge túsken. Tártip saqshysy esirtki jarnamalap júrgenderdiń izderin baıqady», - delingen habarlamada.
Jedel izdestirý sharalarynyń barysynda eki kúdikti ustaldy. Olardyń biri kámelettik jasqa tolmaǵan. Ekeýi de óz kinálaryn moıyndap otyr.
Qazirgi ýaqytta atalǵan fakti boıynsha QR Qylmystyq Kodeksiniń 299-baby 1 bóligi boıynsha sotqa deıingi tergeý amaldary júrgizilýde.
