Semeıde Ertiske aǵyp ketken 42 jastaǵy áıeldiń denesi tabyldy
SEMEI. QazAqparat - Semeıde sýǵa ketken 42 jastaǵy kelinshektiń denesi tabyldy, dep habarlaıdy QazAqparat.
Eske sala ketsek, 24 maýsym kúni saǵat 20.00-de qaladaǵy Bobrovka saıajaıy mańynda Ertiste shomylyp júrgen 1976 jylǵy kelinshek sýǵa batyp ketken bolatyn.
Bir apta áıeldiń denesin sýdan izdegen qutqarýshylar ony qaladaǵy Staraıa krepost aýdanynan tapty. Ertistiń aǵyny marqumdy birneshe shaqyrymǵa aǵyzyp áketken. Máıit týystaryna tapsyryldy.
«Barlyq turǵyndardan belgilenbegen jerde sýǵa túspeýdi, balalardy qaraýsyz qaldyrmaýdy ótinemiz. Oqys oqıǵa kez-kelgen ýaqytta oryn alýy múmkin. Sondyqtan ózenge demalýǵa barǵan kezde qaýipsizdik erejelerin saqtaý kerek», - deıdi Semeı qalalyq sýda qutqarý qyzmetiniń bas mamany Rınat Muhtarov.
Aıta keteıik, shomylý maýsymy bastalǵaly Semeı óńirinde 3 adam sýǵa ketip, kóz jumdy.
