Semeıde Ertis ózeniniń sý deńgeıi tómendeýde
SEMEI. QazAqparat – Semeıde Ertis ózeniniń sýy birtindep tómendep keledi, dep habarlaıdy QazAqparat qalalyq TJ basqarmasyna silteme jasap.
TJ basqarmasynda keshe keshke «Beıbitshilik» aralyndaǵy ekipáterli jeke turǵyn úıdiń aýlasyn sý basý qaýpine baılanysty eki otbasyn qaýipsiz jerge kóshirilgenin atap ótti. Olardyń birin qonaq úıge jaıǵastyrsa, ekinshisi týystarynyń úıine barǵan. Qazirgi ýaqytta atalǵan otbasylardyń biri úıine oraldy, óıtkeni ózendegi sý deńgeıi túse bastady.
«13 qańtarda saǵat 14:00-den 14 qańtar saǵat 08:00-ge deıin sý deńgeıi 35 santımetrge túsken jáne ol 452 santımetrdi quraıdy», - dep túsindirip ótti basqarmada.
Eske sala keteıik, dúısenbi kúni qala ákimi Ermak Sálimov brıfıng ótkizip, Ertistegi sý deńgeıi 478 santımetrge kóterilgenin habarlaǵan bolatyn. Sarapshylar túsindirgendeı, sý deńgeıiniń kóterilýine tómengi muzdyń jınalýy sebep bolǵan. Qala basshysy jaǵdaıdy baqylaýda ustaıtynyn atap ótti. Sondaı-aq, tótenshe jaǵdaıǵa baılanysty jedel shtab quryldy.
