Semeıde Ertis ózenindegi sý deńgeıi tómendedi
SEMEI. QazAqparat - Semeı qalasynyń tótenshe jaǵdaılar bóliminiń bastyǵy, azamattyq qorǵaý polkovnıgi Baqytbek Baıburov osylaı dep málimdedi, dep habarlaıdy QazAqparat.
Semeı aqparat ortalyǵynyń málimetinshe, qalada jaǵdaı turaqtanǵan.
«Búgin sý deńgeıi 445 sm boldy», - deıdi Semeı qalasynyń bas qutqarýshysy.
Dúısenbide Beıbitshilik aralyndaǵy úılerdiń aýlasyn sý basqandyqtan, azamattyq qorǵaý qyzmetkerleri segiz adamdy, onyń ishinde úsh balany evakýatsııalady. Bir otbasy «Semeı» qonaq úıine, al ekinshi otbasy týystarynyń úıine jaıǵasty.
«Sý deńgeıiniń kúrt kóterilýi 11 qańtarǵa qaraǵan túni bastaldy, kúndiz deńgeı 92 santımetrge kóterildi. 14 qantarda sý deńgeıi tómendeı bastady. Semeı qalasynyń ákimimen jáne tıisti qyzmettermen birge biz aýmaqty sharlap, muzdy jarýdyń qajeti joq degen qorytyndyǵa keldik. Táýlik boıy monıtorıng júrgizip jatyrmyz», - deıdi Baqytbek Baıburov.
Sondaı-aq, ol turǵyndar búgin úılerine orala alatynyn aıtty.
