Semeıde Ertis ózenindegi kópir túnde jabylady
SEMEI. QazAqparat – Semeıde Ertis ózenindegi avtokólik júretin kópirdi jabý (belgili bir ýaqyttarda) týraly sheshim qabyldandy, dep habarlaıdy QazAqparat tilshisi qalalyq ákimdikke silteme jasap.
Ákimdiktegilerdiń aıtýynsha, Semeı turǵyndary birneshe ret qalalyq ákimshilikke shaǵymdanyp, avtokólik kópiriniń jaǵdaıyna qanaǵattanbaıtyndaryn jetkizgen.
Oblystyq jolaýshylar kóligi jáne avtomobıl joldary basqaramasynyń usynysymen nysandy kúrdeli jóndeýden ótkizý úshin jobalyq-smetalyq qujat daıyndaý týraly sheshim qabyldandy.
«Merdiger uıymnyń mamandary kópirdi tehnıkalyq tekseristen ótkizedi. Nysannyń qurylys saraptamasy boıynsha obekti ýaqytsha jabylady», - dep túsindirdi ákimdiktegiler.
Aıta ketsek, avtokólik kópirindegi qozǵalys keshki 21.00-den tańǵy 05.00-ge deıin jabylady.
