Semeıde Ertis ózeninde muz jarý jumystary júrgizildi

SEMEI. QazAqparat – Semeıde Ertis ózeninde muzdy jarý jumystary júrgizildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńir boıynsha sý tasqynynyń aldyn alý úshin muzdy usaqtaý sharalary bastaldy.

- Mırnyı kenti mańyndaǵy Ertis ózeninde muz keptelýi múmkin. Sondyqtan «Kaz Explo Service» JShS qyzmetkerleri muz jarý jumystaryn júrgizdi. Osy ýchaskedegi qaýipsizdikti qutqarýshylar men polıtsııa qyzmetkerleri qamtamasyz etti, - delingen aqparatta.

Aıta keteıik, óńir boıynsha ózenderdegi qar qory ortasha kópjyldyq deńgeıde. Oblystaǵy 108 eldi mekendi sý basý qaýpi bar.

Jalpy Shyǵys Qazaqstanda 2021-2023 jyldarǵa arnalǵan sý tasqynyna qarsy is-sharalardyń jol kartasy sheńberinde 162 mln teńgege 11 shara júzege asyrylǵan.