Semeıde Erkin Oranhaevty eske alýǵa arnalǵan shahmattan reıtıngtik týrnır aıaqtaldy
SEMEI. QazAqparat - Búgin Semeıde tanymal sheberlerdiń, halyqaralyq shahmat grossmeısterleriniń jáne FIDE maıtalmandarynyń qatysýymen «Semey Chess Open 2019» ashyq týrnıri aıaqtaldy, dep habarlaıdy «SPORTINFORM».
Reıtıngtik týrnırge Semeı, Óskemen, Pavlodar, Aıagóz qalalarynyń shahmatshylary, sonymen qatar halyqaralyq grossmeısterler men sheberler qatysty. Týrnır baǵdarlamasyna sáıkes Evgenıı Egorov sheterlik sabaǵyn ótkizse, halyqaralyq grossmeıster Denıs Mahnev birmezettik oıyn uıymdastyrdy.
Jarys qorytyndysynda Semeı qalasynyń turǵyny Damır Safıýlın úzdik atandy. Al ardagerler sanatynda týrnır jeńimpazy Nuhtar Egibaev boldy. Ekinshi oryn Arhat Ótegenovke buıyrsa, úzdik úshtik qatarynan Farhad Mansurov tabyldy. Qyzlar arasynda Zınaıda Egýnova chempıon atandy. Mektep oqýshylary arasynda birinshi oryn Mıhaıl Egorovqa buıyrdy. Ekinshi jáne úshinshi oryndardy Arlan Abýzıarov pen Tımýr Balmaǵambetov bólisti. Dál osy sanatta qyzdar arasynda Toǵjan Kiribaeva jeńiske jetti.
Aıta keterligi, Erkin Oranhaevqa eske alýǵa arnalǵan týrnır osymen toǵyzynshy ret uıymdastyrylyp otyr. Jyldan jylǵa týrnırdiń mártebesi artyp, qatysýshylar sany da ulǵaıa túsýde.
