Semeıde er adam 7 bos bank kartochkasyn 1 mln teńgege «satyp alǵan»
SEMEI. QazAqparat - Alaıaqqa sengen semeılik turǵyn 1 mln teńgesinen aıyrylyp qaldy, dep habarlaıdy QazAqparat.
Semeı qalalyq ІІB shaǵymdanǵan azamattyń sózinshe, ol ózi jaqsy tanymaıtyn áıelge qolma-qol 1 mln. teńge bergen.
31 jastaǵy áıel azamattan ózindegi 7 bank kartochkasyn qolma-qol aqshaǵa aýystyryp berýin ótingen. Al ár kartochkada 200 myń teńgeden aqsha bar ekenin jetkizgen. Biraq, qajetti somany baryp alý úshin ýaqyt joǵaltatynyn aıtyp, senimine kiredi. Tipti ol kartochkalardaǵy aqshaǵa kún saıyn paıyzdyq ústemaqy qosylyp otyratynyn aıtady. Buǵan senip qalǵan azamat oılamastan 1 mln teńgeni qolyna ustatady.
Ol keıin bankomatqa barǵanda ǵana kartochka aqshanyń joqtyǵyn bir-aq biledi.
«Jedel izdestirý sharalary kezinde alaıaq áıeldiń jeke tulǵasy anyqtalyp, ustaldy. 31 jastaǵy áıel buǵan deıin sotty bolǵan. Qazir onyń ústinen QR Qylmystyq kodeksiniń 190 baby, 1-shi tarmaǵy boıynsha is qozǵalyp, sotqa deıingi tergeý júrip jatyr» delingen oblystyq ІІD taratqan habarlamada.
