Semeıde «eles» qyz ustaldy

Semeıde «eles» qyz ustaldy, dep habarlaıdy QazAqparat. 

Qalalyq polıtsııa departamentiniń málimetinshe, oqıǵa jeksenbi kúni keshke qaladaǵy jerasty ótkelderiniń birinde bolǵan. 22 jastaǵy qyz «elestiń» kostıýmin kıip, qala turǵyndaryn qorqytqan.

Polıtseıler qoǵamdyq orynda qala turǵyndarynyń tynyshtyǵyn buzyp, syrt kelbetimen ótip bara jatqandardy shoshytyp júrgen turǵyndy anyqtady.

«Onyń ústinen ÁQBtK-niń 434-babynyń 1-bóliginde kózdelgen quqyq buzýshylyqty jasaǵany úshin materıal jınaldy», - dep túsindirdi polıtseıler.

Sot sheshimimen qyz kináli dep tanylyp, 69 myń teńge aıyppul túrindegi ákimshilik jaýapkershilikke tartyldy.

Semeı qalasy polıtsııa basqarmasy oblys ortalyǵynyń turǵyndary men qonaqtaryn qoǵamdyq oryndarda tártip erejelerin saqtap, qala turǵyndarynyń tynyshtyǵyn buzbaýdy suraıdy.