Semeıde eki modýldik polıtsııa beketi ashyldy
Qalalyq Aqparat ortalyǵynyń málimetinshe, jańa modýldik polıtsııa beketiniń biri – Q.Muhamedhanov kóshesi boıyndaǵy Ortalyq alań aıaldamasynda, ekinshisi – M.Áýezov dańǵylynda ornalasqan.
«Polıtsııa jumysynyń basty prıntsıpi quqyq buzýshylyqty anyqtaý ǵana emes, onyń jolyn kesý, kez-kelgen ýaqytta halyqqa kómek kórsetýge daıyn bolý, turǵyndarmen senimdi qatynas ornatý. Memleket basshysy Qasym-Jomart Toqaevtyń tapsyrmasy boıynsha qyzmet kórsetýdiń servıstik modeli basym baǵyt. Semeıde halyq kóp jınalatyn oryndarda eki modýldik polıtsııa beketi ashyldy. Búgingi tańda Semeıde jáne Óskemende barlyǵy osyndaı jeti beket jumys istep tur», - dedi ShQO PD bastyǵy Saǵat Mádıev.
Atalǵan beketterge kelgen azamattar aryzdana alady. Modýldi beket qyzmetkerleri aýmaqty patrýldep, táýlik boıy kezekshilik atqaratyn bolady.
Sýret: semeynews.kz/ Anatolıı Ternov
