Semeıde eki kólik soqtyǵysyp, 3 adam zardap shekti
SEMEI. QazAqparat – Semeı qalasynda eki kólik soqtyǵysyp, 3 adam onyń ishinde 1 bala zardap shekti, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, jol apaty búgin Razın men Óskemen kósheleriniń qıylysynda bolǵan.
«Tańǵy saǵat 08.00 shamasynda Subaru men Volkswagen Passat kólikteri soqtyǵysty. Jol apatynyń saldarynan 3 adam zardap shekken. Eki áıel men bala birden medıtsınalyq mekemege jetkizildi», - dep habarlady vedomstvo ókilderi.
Qazirgi ýaqytta oqıǵanyń sebep-saldary anyqtalýda.
Esterińizge sala ketsek, osyǵan deıin Shyǵys Qazaqstanda bıyl jaıaý júrginshiler jolaǵynan ótip bara jatqan 23 balany kólik qaqqandyǵyn habarlaǵan bolatynbyz.
