Semeıde eki qarjy pıramıdasy anyqtaldy
ÓSKEMEN. QazAqparat - ShQO ІІD Uıymdasqan qylmysqa qarsy kúres basqarmasynyń qyzmetkerleri Semeı qalasynda qarjy pıramıdasyn quryp, oǵan basshylyq etken 2 faktini anyqtady, dep habarlady oblystyq ІІD baspasóz qyzmetinen «QazAqparat» HAA tilshisine.
Ony Semeı qalasynyń úsh turǵyny (46 jáne 47 jastaǵy eki áıel) uıymdastyrǵan. Olar saýda úıleriniń birinen keńseni jalǵa alǵan.
Ázirge eki pıramıdanyń qyzmetinen kelgen shyǵyn kólemi 700 myń teńgege baǵalanyp otyr. Alaıaqtardyń qurbanyna aınalǵandar 57 jastaǵy jáne 56 jastaǵy áıelder. Zalal mólsheri jáne aldanǵan adamdardyń sany budan da kóp bolýy múmkin. Ázirge eki adamnan ǵana aryz tústi, dep naqtylady ІІD.
QR QK 217-baby boıynsha qylmystyq óndiris protsessýaldyq sheshim qabyldaý úshin sotqa jiberildi.
«Bul qarjy pıramıdasynyń qaǵıdaty - qarjy uıymnyń ókilderi qysqa merzimde aýqymdy tabys tabýǵa ýáde berip, adamdardy jappaı tartady. Bul rette birde-bir uıym, birde-bir bank qysqa merzimde mundaı tabysqa jete almaıtynyna sendiredi. Eger adam óz qarajatyn salsa, paıyzdyq stavka salymshy úshin óte paıdaly ekenin aıtady», - dedi ShQO ІІD baspasóz qyzmetiniń ókili Áıgerim Nurǵazına.
Uıym ókilderi, bir qaraǵanda, óte saýatty, klıentke aqparatty jeńil jetkizip, ádemi býkletter kórsetedi. Tabystyń ósý serpinin túsindiredi. Klıentke aqsha salǵannan esh qaýip joqtyǵyn aıtady. Klıentterdiń qalaı aqsha tabýǵa bolady, qarajatty qaıda salady degen suraqtaryna naqty ári anyq jaýap bere almasa da, «myqty» áriptesteri, «joǵary tabysty» jobalary jaıly áńgimeler aıta bastaıdy, dep atap ótti polıtsııadan.
