Semeıde eki avtobýs eki jasóspirimdi qaǵyp ketken
SEMEI. QazAqparat – Semeıde eki avtobýs kámeletke tolmaǵan jaıaý júrginshini qaǵyp ketti, dep habarlaıdy QazAqparat.
Abaı kóshesi boıymen kele jatqan baǵdarlyq avtobýstyń 55 jastaǵy júrgizýshisi Qaıym Muhamedhanov kóshesine qaraı bet alǵan. Alaıda júrgizýshi qozǵalystyń qaýipsiz jyldamdyǵyn tańdamaı, jaıaý júrginshiler jolaǵynan ótip bara jatqan 17 jastaǵy jaıaý júrginshini qaǵyp ketken, dep habarlady ShQO polıtsııa departamentiniń baspasóz qyzmeti.
Jol apaty saldarynan ol dene jaraqatyn alǵan. Birqatar saraptamalar taǵaıyndaldy, sonyń nátıjesi boıynsha zańdy sheshim qabyldanady.
Dál sol kúni taǵy bir baǵdarlyq avtobýs Glınka kóshesindegi jaıaý júrginshiler ótkelinde kámeletke tolmaǵan jaıaý júrginshini qaǵyp ketken.
«Qyz joldyń júrý bóliginen soldan ońǵa qaraı, qozǵalys barysynda ótip bara jatqan. Jol-kólik oqıǵasy saldarynan kámeletke tolmaǵan jasóspirim neırohırýrgııa bólimshesine jatqyzyldy», – dep túsindirdi qalalyq polıtsııa basqarmasynda.
Foto: «AQO» QB
