Semeıde eki adamnyń kóligin aldap alǵan alaıaq ustaldy
ShQO polıtsııa departamenti baspasóz qyzmetiniń málimetine súıensek, «102» jedel arnasyna 39 jastaǵy qala turǵyny habarlasqan. Onyń aıtýynsha, ózin áńgimege tartqan tanymaıtyn er adamnyń «VAZ» kóligin satyp alatyndyǵyn aıtyp sendirgenin jetkizdi. Alaıda alaıaq avtokólikti alǵannan keıin aqsha tólemeı, habar-osharsyz ketken.
«Jedel-izdestirý sharalaryn júrgizgen polıtsııa qyzmetkerleri kúdiktini ustady. Jarma aýdanynyń 27 jastaǵy turǵyny jaýap alý kezinde óz kinásin moıyndady. Sondaı-aq er adamnyń taǵy bir jábirlenýshini aldaǵany belgili boldy», - delingen aqparatta.
27 jastaǵy semeılik áıel maýsym aıynyń sońynda polıtsııaǵa júgingen. Jábirlenýshiniń aıtýynsha, jalǵan satyp alýshy dál osyndaı jolmen onyń «VAZ» kóligin aldap aldy. Zardap shegýshige keltirilgen materıaldyq zalaldyń jalpy somasy 1 500 000 teńgeden asty.
Ustalǵan adam qolǵatpen bosatyldy. Atalǵan fakti boıynsha QR QK-niń 190-babyna (alaıaqtyq) sáıkes sotqa deıingi tergeý amaldary júrgizilýde.
