Semeıde eki adamdy qaǵyp óltirgen taksıst áıel sottaldy
Shyǵys Qazaqstan oblysy boıynsha Qylmystyq-atqarý júıesi departamenti baspasóz qyzmetiniń málimetinshe, jol kólik oqıǵasy «Óskemen-Semeı» tasjolynda bolǵan.
«42 jastaǵy semeılik Toyota Camry kóligimen Óskemenge qaraı jolaýshy tasymalymen aınalysqan. Jolaýshylardyń aıtýynsha, kólik tizgindegen áıel áleýmettik jelide otyryp, uıaly telefonmen jıi sóılesti. Jolǵa nazar aýdarmaǵan ol jyldamdyqty da bekitilgen shekten asyryp jibergen. Aldynda kele jatqan avtogreıderdi ozyp ótpek bolǵanda qarsy baǵyttaǵy Lada kóligimen soqtyǵysty», - delingen habarlamada.
Jol apaty saldarynan Lada kóligindegi eki adam oqıǵa ornynda kóz jumdy. Al Toyota Camry kóliginiń tórt jolaýshysy túrli dene jaraqattaryn alǵan. Sondaı-aq sottalýshynyń júrgizýshi kýáligi bolmaǵandyǵy anyqtaldy.
Ulan aýdandyq sotynyń úkimimen aıyptalýshy QR QK-niń 345-baby 4-bóligi boıynsha 8 jylǵa bas bostandyǵynan aıyryldy. Ol óz jazasyn qaýipsizdigi mınımaldy túzetý mekemesinde óteýde.