Semeıde eki adamdy qaǵyp, bireýin mert qylǵan júrgizýshi ustaldy
SEMEI. QazAqparat – Semeı qalasynda jaıaý júrginshilerdi qaǵyp ketken júrgizýshi ustaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń habarlaýynsha, tártip saqshylary jedel-izdestirý sharalary barysynda 43 jastaǵy semeılikti ustady. Er adam Toyota Land Cruiser Prado kóligimen eki adam qaqqanyn jáne qorqyp oqıǵa ornynan ketip qalǵanyn moıyndady.
«Kúdikti ýaqytsha ustaý ızolıatoryna qamaýǵa alyndy. Avtokólik aıyppul turaǵyna qoıylǵan. Atalǵan fakti boıynsha QR Qylmystyq kodeksiniń 345-baby 3-bóligi jáne 347-baby boıynsha sotqa deıingi tergeý amaldary júrgizilýde. Birqatar sot-medıtsınalyq saraptama taǵaıyndalǵan», - deıdi ShQO PD bastaǵy Saǵat Madıev.
Esterińizge sala ketsek, osyǵan deıin Semeıde eki adamdy qaǵyp ketken kólik júrgizýshisiniń izdestirilip jatqany habarlanǵan.
