Semeıde eki adamdy ajaldan arashalap qalǵan kópbalaly áke marapattaldy
SEMEI. QazAqparat – Semeı qalasynda eki adamdy órtten qutqaryp qalǵan azamat marapattaldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, Semeıdegi Dostoevskıı kóshesinde ornalasqan dámhananyń as bólmesinde órt shyqqan.
Qyzyl jalyn tóbe jabynyn, tereze jáne esik bloktaryn, turmystyq tehnıka men jeke zattardy sharpydy.
Órtti birinshi bolyp jaqyn jerde turatyn Dáýren Janbaev baıqaǵan.
Birden órt sóndirýshilerge habar bergen ol sol jerge baryp, dámhananyń eki qyzmetkerin syrtqa alyp shyqty.
«Osy syn saǵatta Dáýren óz ómirin qaterge tikti. Batyldyǵynyń arqasynda eki adamdy qutqaryp qaldy. Keıin sol jerge kelgen órt sóndirýshiler dámhana ishinen tórt gaz ballonyn alyp shyqty», - delingen aqparatta.
Beıbit kúnniń batyryna Semeı qalalyq TJB basshylyǵy atynan Alǵys hat berildi.
Aıta keteıik, qala mektepteriniń birinde dırektordyń orynbasary bolyp jumys isteıtin er adam 5 bala tárbıelep otyr.
Esterińizge sala ketsek, osyǵan deıin eki adamdy órtten qutqarǵan semeılik oqıǵanyń qalaı bolǵanyn aıtyp bergen edi.
