Semeıde eki kásiporyn aýmaǵynda órt boldy

Semeıde eki kásiporyn aýmaǵynda órt boldy, dep habarlaıdy Kazinform Abaı oblystyq TJD baspasóz qyzmetine silteme jasap. 

TJD 19 qarasha kúni saǵat 03:55–te Qazaq Astyq Group JShS aýmaǵynda «Agro seriktes ınvest» JShS aýmaǵynda órt bolǵanyn habarlady. Tilsiz jaýdyń saldarynan mınıfýrgonnyń aldyńǵy bamperi, tońazytqysh, jyljymaly konteıner, aǵash palletter men plastmassa jáshikter órtenip ketken. 

TJD málimetteri boıynsha órt 06:29-da oqshaýlanyp, 10:19-da zalalsyzdandyryldy. Órtti sóndirýge jeke quramnyń 68 qyzmetkeri jáne Abaı oblysy TJD 13 tehnıkasy jumyldyryldy. Sondaı-aq órtti sóndirýge QTJ, Qazaq ASTYQ Group JShS MÓQQ órt sóndirý poıyzy jumyldyryldy. 

Kásiporynnyń baspasóz qyzmeti órtti sóndirýge Qazaq astyq Group munaı ekstraktsııa zaýytynyń kúshteri de belsendi qatysqanyn atap ótti. 

— Kásiporynnyń jeke órt sóndirý bóliminiń 4 órt sóndirýshisi, kásiporynnyń 32 qyzmetkeri, 1 avtotsısterna, 2 tıegisht, 2 kamaz, 1 assenızatorlyq mashına órtti sóndirýge jumyldyryldy. Sondaı-aq Qazaq astyq Group munaı ekstraktsııa zaýytynyń qatysýymen qysqa merzimde tilsiz jaýdy aýyzdyqtaı aldyq, - dep atap ótti zaýyttyń baspasóz qyzmeti. 

TJD órttiń sebebi anyqtalyp jatqanyn jazdy.