Semeıde eki bala sýǵa batyp ketti
SEMEI. KAZINFORM — Semeı qalasynda Ertis ózenine eki bala batyp ketti. Oblystyq polıtsııa departamenti baspasóz qyzmetiniń málimetine súıensek, oqıǵa Nahalovka aýdanynda boldy.
Ertis ózeninde shomylyp júrgen 11 jáne 10 jastaǵy eki bala sýǵa batyp ketti. Balalardyń denesin qutqarýshylar alyp shyqty. Oqıǵanyń mán-jaıy anyqtalyp jatyr.
— Polıtsııa qyzmetkerleri sý aıdyndarynda profılaktıkalyq reıdterdi jalǵastyryp jatyr. Erekshe nazar sý jaǵasynda eresekterdiń qaraýynsyz júrgen balalarǵa jáne shomylýǵa arnalmaǵan oryndarǵa aýdarylǵan, — delingen aqparatta.
Osy rette, tártip saqshylary ata-analardy balalaryn sý aıdyndarynyń mańynda qaraýsyz qaldyrmaýǵa jáne olardyń qaıda, kimmen júrgenin únemi baqylap otyrýǵa shaqyrdy. Birneshe mınýtqa qaraýsyz qaldyrýdyń ózi orny tolmas qaıǵyǵa ákelýi múmkin.
Eske salsaq, osyǵan deıin Shyǵys Qazaqstanda shomylý maýsymy bastalǵaly úsh adam sýǵa batqany habarlanǵan.
