Semeıde dostarymen kezdesýge ketken eki balanyń anasy joǵalyp ketti
SEMEI. QazAqparat - Semeıde kýrstastarymen kezdesýge ketken 29 jastaǵy Elena Svırıdovany úsh táýlikten beri izdep jatyr, dep habarlaıdy QazAqparat Altaynews.kz saıtyna silteme jasap.
2 jeltoqsanda áıel belgisiz baǵytta úıinen shyǵyp ketip, qaıta oralmaǵan.
«Jubaıynyń aıtýynsha, sol kúni barlyǵy avtobýspen ájelerine bara jatqan. Biraq, Elenaǵa bireý habarlasyp, kýrstastarmen kezdesýge shaqyrǵan. Ol jaqyn jerdegi aıaldamadan túsip qalǵan, al onyń balalary men kúıeýi ári qaraı ketken. Birneshe saǵattan soń jubaıy habarlasqan. Elena oǵan kezdesýde ekenin aıtqan. Taǵy birneshe saǵat ótken soń habarlasqanda, onyń telefony sóndirýli bolǵan», - dedi «Rina.KZ Semeı» eriktisi Evgenııa Pavel.
Sondaı-aq, jubaıynyń aıtýynsha Elena úıine baryp, kıimin aýystyryp shyqqan. Ol ózimen birge eshqandaı zatyn alyp ketpegen. Keıin áıeldiń whatsapp-taǵy kýrstastar tobynan shyǵyp ketkeni, eshqandaı kezdesýge barmaǵany anyqtaldy.
Kelinshektiń qaıda ketkenin eshkim bilmeıdi. Ony polıtsııa men eriktiler izdep jatyr. Aıta ketken jón, Elena Svırıdovanyń eki kishkentaı balasy bar.
Joǵalǵan Elena Svırıdova týraly aqparat biletinder bolsa, myna telefondarǵa habarlasýǵa bolady: 8-474-349-57-17 nemese 102.
